İyulun 21-də Ukraynaya silah tədarükü üzrə Təmas Qrupunun planlaşdırılmamış iclası keçiriləcək.

Operativ Media xəbər verir ki, bu barədə NATO-nun mətbuat xidməti məlumat yayıb.

"NATO-nun baş katibi Mark Rutte iyulun 21-də Müdafiə Təmas Qrupunun Ukrayna üzrə virtual iclasında iştirak edəcək", – məlumatda qeyd olunur.

Mətbuat xidməti iclasın gündəliyi və ABŞ prezidenti Donald Trampın Ukrayna üçün nəzərdə tutulan Amerika silahlarının Aİ ölkələrinə satılması təklifi ilə bağlı olub-olmaması barədə əlavə məlumat verməyib.