Markus Raşford: "Van Qal məni həmişə cərimələyirdi"

"Mançester Yunayted"in gənc ulduzu Markus Raşford deyir ki, onun keçmiş baş məşqçisi Lui van Qalın ciddi nizam-intizama sahib olduğunu bildirib.

"Operativ Media" xəbər verir ki, ingilis hücumçu bir müddət birlikdə çalışdığı hollandiyalı məşqçi tərəfindən davamlı olaraq cərimələndiyini bildirib.

 Marcus Rashford Lui Van Qalın ciddi nizam-intizam anlayışı haqqında bunları söyləyib:

"Hər cümə axşamı cərimələnirdim. Çünki universitetdən məşq meydançasına çatmaq üçün cəmi 12 dəqiqəm var idi. Lui van Qal mənə  kolleci bitirməli olduğumu deyirdi. Amma o, mənim cümə axşamı məşqə gecikdiyimi bağışlamazdı. Daim cərimələnirdim və bu mənim nəzarətimdən kənarda baş verirdi. Van Qal belə bir insan idi”.