Hakan Fidan: "Qəzaya uğrayan hərbi təyyarə ilə bağlı axtarış-xilasetmə işlərini yaxından izləyirik"

Türkiyənin xarici işlər naziri Hakan Fidan Azərbaycandan Türkiyəyə qayıdarkən Gürcüstanda qəzaya uğrayan hərbi yük təyyarəsi ilə bağlı açıqlama verib.

Operativ Media xəbər verir ki, o, bu barədə "X" sosial şəbəkəsində paylaşım edib.

Nazir bildirib ki, qəza ilə əlaqədar aparılan axtarış-xilasetmə işləri Gürcüstan rəsmiləri ilə birgə yaxından izlənilir.

“Azərbaycan səfərindən vətənimizə qayıdarkən qəzaya uğrayan hərbi yük təyyarəmizlə bağlı aparılan axtarış-xilasetmə işlərini Gürcüstan rəsmiləri ilə birlikdə yaxından izləyirik. Şəhidlərimizə Allahdan rəhmət, ailələrinə və yaxınlarına səbir diləyirəm. Ulu millətimizin başı sağ olsun”, – Hakan Fidan qeyd edib.

Qeyd edək ki, Gürcüstanda qəzaya uğrayan Türkiyə Silahlı Qüvvələrinə məxsus C-130 təyyarəsinin göyərtəsində 20 hərbçi olub.