OpenAI ChatGPT-ni yeni nəsil GPT-5.1 modeli ilə yenilədi

OpenAI ChatGPT-ni yeni nəsil GPT-5.1 modeli ilə yenilədi.

Operativ Media xəbər verir ki, bu barədə şirkət özü məlumat yayıb.

Bildirilib ki,  yeni versiya “daha ağıllı və daha yaxşı” söhbət təcrübəsi təqdim edir. Yeniləmə ilkin olaraq ödənişli istifadəçilər üçün əlçatan olacaq və sonra bütün istifadəçilər arasında  yayılacaq.

GPT-5.1 yeniləməsi iki əsas versiyada təqdim olunur. "GPT-5.1 Instant" təlimatları daha dəqiq başa düşən və daha sürətli və  qarşılıqlı əlaqə təklif edən versiya kimi təsvir edilmişdir. OpenAI, bu modelin ən çox istifadə edilən variant olacağını bildirib.

"GPT-5.1 Düşüncə" isə daha dərin təhlil tələb edən suallar üçün nəzərdə tutulmuşdur. Şirkət bildirib ki, bu versiya mürəkkəb problemləri daha dəqiq həll edə, eyni zamanda sadə suallara daha başa düşülən cavablar verə bilər. Düşüncə modeli əvvəlki versiyalara nisbətən daha az texniki jarqondan istifadə etməklə daha aydın cavablar vermək üçün yenilənib.