Qazaxıstanda ilk robot ürək əməliyyatı həyata keçirilib

Qazaxıstan Respublikası Prezidenti Administrasiyasının Tibb Mərkəzinin Xəstəxanasında ölkə və Mərkəzi Asiya tarixində ilk dəfə olaraq robotlaşdırılmış ürək əməliyyatı həyata keçirilib.

Operativ Media xəbər verir ki, bu barədə Qazaxıstan Respublikası Prezidenti Administrasiyasının tibb mərkəzinin mətbuat xidməti məlumat yayıb.

Bildirilib ki, əməliyyat yüksək texnologiyalı kardiocərrahiyyənin inkişafında və tibb sahəsində beynəlxalq əməkdaşlığın gücləndirilməsində mühüm mərhələ olub.

Müdaxilə Beynəlxalq elmi-praktik konfrans çərçivəsində Çin Xalq Respublikasından olan mütəxəssislər qrupu ilə birlikdə Tibb Mərkəzi Xəstəxanasının kardiocərrahları tərəfindən həyata keçirilib. Anadangəlmə ürək qüsuru (atrial septal defekt) olan 28 yaşlı qadın xəstə ən müasir robotlaşdırılmış cərrahi sistemlə əməliyyat olunub. Prosedura ənənəvi sternotomiyaya ehtiyacı aradan qaldıraraq minimal invaziv bir yanaşma ilə həyata keçirildi. Xəstənin vəziyyəti stabildir”, - deyə məlumatda bildirilir.