Almaniya Müdafiə Nazirliyi: NATO ilə Rusiya arasında müharibə 2029-cu ilə qədər başlaya bilər

NATO ilə Rusiya arasında müharibə 2029-cu ilə qədər başlaya bilər.

Operativ Media Liga.net saytına istinadən xəbər verir ki, bunu Almaniyanın müdafiə naziri Boris Pistorius jurnalistlərə açıqlamasında deyib.

O qeyd edib ki, əvvəlcə silahlı münaqişənin 2029-cu ildə başlayacağı güman edilirdi, lakin indi bəzi hərbi ekspertlər bunun 2028-ci ildə baş verə biləcəyinə inanırlar.

“Bəzi hərbi tarixçilər hətta düşünürlər ki, bizim dinc keçirdiyimiz sonuncu yaydır”, – Pistorius əlavə edib.

Müdafiə naziri NATO-nun güclənməsinin vacibliyini vurğulayıb və bildirib ki, alyans Rusiyaya qarşı mümkün hərbi əməliyyatlara hazır olmalıdır. O izah edib ki, NATO-nun nüvə silahı da daxil olmaqla əhəmiyyətli çəkindirmə potensialı var, lakin onun silahlı qüvvələrinə əlavə avadanlıq lazımdır.

Yazın əvvəlində demək olar ki, bütün NATO üzv ölkələri 2035-ci ilə qədər müdafiə xərclərini ÜDM-in 5%-inə çatdırmağı öhdələrinə götürüblər.