Litva noyabrın 19-da Belarusla sərhəd rejiminə dair qərar verəcək

Litva hökuməti noyabrın 18-nə planlaşdırılan iki ölkənin sərhəd qurumları arasında danışıqların nəticələrini nəzərə alaraq noyabrın 19-da Belarusla sərhəd qaydalarına dair qərar qəbul edəcək.

Operativ Media xəbər verir ki, bu barədə Litva Parlamentinin Xarici Siyasət Komitəsinin sədri Remiqyus Motuzas milli radioda məlumat verib.

“Sərhəd rejimi ilə bağlı yekun qərar Nazirlər Kabinetinin çərşənbə günü keçiriləcək iclasında gözlənilməlidir.

Komitə sədrinin qeyd etdiyi kimi, qonşu dövlətlərin sərhəd xidmətlərinin nümayəndələri arasında texniki səviyyəli danışıqların nəticələri həlledici olacaq. Texniki səviyyədə aparılan danışıqların nəticələri həlledici olacaq”, – deyə Motuzas bildirib.

Onun sözlərinə görə, Vilnüs sərhədin ilkin olaraq nəzərdə tutulan 30 noyabr tarixindən tez açılmasına meyllidir: “Mövcud vəziyyəti nəzərə alaraq, biz sərhədin daha tez açılmasına meylliyik”, – deyə siyasətçi əlavə edib.

Oktyabrın 29-da Litva, guya havadan tütün qaçaqmalçılığı ilə mübarizə məqsədilə, Belarusla sərhədini birtərəfli qaydada bir ay müddətinə bağlayıb. Buna cavab olaraq Minsk Litva yük maşınlarının sərhədi keçməsini dayandırıb və onları pullu dayanacaqlarda saxlamağı əmr edib. Nəticədə 1000-dən çox Litvalı yük maşını Belarusda qapalı qalıb.