Rusiya Federasiyasının Prezidenti Vladimir Putin noyabrın 25-26-27-də Qırğızıstanda dövlət səfərində olacaq.

Operativ Media xəbər verir ki, bu barədə "Kabar News" agentliyi məlumat yayıb.

Səfər zamanı ikitərəfli əməkdaşlığın, həmçinin Aİİ, MDB, ŞƏT və KTMT çərçivəsində qarşılıqlı fəaliyyətin əsas məsələlərinə baxılacaq.

Ticarət-iqtisadi əlaqələrin möhkəmləndirilməsinə, investisiya və sənaye əməkdaşlığının genişləndirilməsinə, hərbi-texniki və mədəni-humanitar sahələrdə əlaqələrin inkişafına, eləcə də regionda təhlükəsizlik məsələlərinə xüsusi diqqət yetiriləcək.

Səfərin yekunu olaraq dövlət başçılarının birgə bəyanatının və ticarət-iqtisadi, maliyyə və digər sahələrdə əməkdaşlığın dərinləşdirilməsinə yönəlmiş bir sıra ikitərəfli sənədlərin imzalanması planlaşdırılır.