Qazaxıstan ölkədə 30 gündən artıq qalan əcnəbilərə qeydiyyat tətbiq edəcək
Şəfa Hüseynli
Qazaxıstana gələn və ölkədə 30 gündən artıq qalan əcnəbi vətəndaşlar üçün 2026-cı il iyulun 1-dən məcburi qeydiyyat tətbiq ediləcək.
Operativ Media xəbər verir ki, bu barədə Qazaxıstan Daxili İşlər Nazirliyi məlumat yayıb.
Bildirilib ki, 90 günə qədər olma müddəti müəyyən edilmiş ölkələrdən Qazaxıstan Respublikasına gələn immiqrantlar Qazaxıstan Respublikasının dövlət sərhədini keçdikləri gündən etibarən 30 təqvim günündən gec olmayaraq, digər qanunlarla nəzərdə tutulmuş qaydalar istisna olmaqla, Qazaxıstan Respublikasının daxili işlər orqanlarında qeydiyyatdan keçməlidirlər.
Qeydiyyatdan keçmək üçün əcnəbi öz adını, doğum tarixini, pasport məlumatlarını və yaşayış yeri verən şəxsi təfərrüatlarını təqdim etməlidir.
