1800-dən çox xarici turist Tailandın cənubunda şiddətli daşqınlardan xilas edilib və onlara kömək göstərilib.

Operativ Media xəbər verir ki, bu barədə "Bangkok Post" məlumat yayıb.

Krallığın turizm və idman naziri Atthakon Sirilathayakon bildirib ki, ölkənin cənubunda su basmış ərazilərdə turistlərin qapalı qalması ilə bağlı yeni məlumat yoxdur və nəqliyyat şəbəkələri demək olar ki, tam bərpa olunub.

Qeyd edək ki, Tailandın cənub əyalətlərində baş verən daşqınlar nəticəsində ölənlərin sayı 162 nəfərə çatmışdır.