İslamabaddan Tehrana və İstanbula gedən ECO yük qatarı dekabrın 31-də hərəkətini bərpa edəcək.

Operativ Media xəbər verir ki, bunu Pakistanın dəmir yolu naziri Hənif Abbas deyib.

Nazir ölkəsinin İranla regional əlaqələri genişləndirməkdə maraqlı olduğunu vurğulayıb.

Hənif Abbas dekabrın 2-də Ravalpindi Ticarət və Sənaye Palatasının rəsmiləri qarşısında çıxışında qeyd edib ki, Pakistan İran İslam Respublikasına regional əlaqələri genişləndirməkdə böyük maraq göstərir.

O əlavə edib ki, bu məqsədə çatmaq üçün Pakistan Dəmir Yolları cari ilin sonuna qədər dəmiryol xidmətlərini işə salmağı planlaşdırır və işgüzar ictimaiyyəti bu yeni imkanlardan yararlanmağa çağırır.