Gürcüstan 2030-cu ilə qədər Avropa İttifaqına üzv olmağa hazır olacaq, lakin bu proses Brüsselin mövqeyini dəyişib-dəyişdirməməsindən asılıdır.

Operativ Media xəbər verir ki, bunu Gürcüstan prezidenti Mixail Kavelaşvili "Deutsche Welle" media qrupuna müsahibəsində bildirib.

“2030-cu ilə qədər Gürcüstan Aİ-yə üzv olmağa hazır olacaq, lakin bu gün Aİ-nin öz mövqeyini dəyişib-dəyişdirməyəcəyini bilmirik. Onlar ikili standartlarla fəaliyyət göstərirlər. Dialoq əsasdır, amma bizimlə dialoqa girmirlər. Bəzən hökuməti tanıyırlar, bəzən isə tanımırlar. Bu, absurddur”, – Kavelaşvili deyib.