Şərqi Avropa ölkələrindən Azərbaycana səfər edənlərin sayı artıb

Bu ilin yanvar-oktyabr aylarında Şərqi Avropa ölkələrindən Azərbaycana 95 mindən çox xarici vətəndaş səfər edib ki, bu da 2024-cü ilin müvafiq dövrü ilə müqayisədə 3,2 faiz çoxdur.

Dövlət Turizm Agentliyindən Operativ Media-ya verilən məlumata əsasən, təkcə cari ilin oktyabr ayında qeyd edilən regiondan ölkəyə 10,8 mindən çox xarici vətəndaş səfər edib. Bu, 2024-cü ilin oktyabr ayına nisbətdə 7,5 faiz çox, cari ilin sentyabr ayına nisbətdə isə 13 faiz azdır.

2025-ci ilin oktyabr ayında Şərqi Avropa ölkələrindən Azərbaycana gələn turistlərin sayına görə TOP 10 ölkə:

Ukrayna – 3 374

Belarus – 2 292

Polşa – 1 177

Macarıstan – 732

Moldova – 503

Rumıniya – 384

Çexiya – 365

Litva – 336

Latviya – 295

Serbiya – 272