Keşlədə su olmayacaq - XƏBƏRDARLIQ

Keşlə qəsəbəsinin bir hissəsini içməli su ilə təmin edən magistral su xəttində aparılacaq təmir işləri ilə əlaqədar su təchizatında müvəqqəti fasilə yaranacaq.

Operativ Media xəbər verir ki, bu barədə İri Şəhərlərin Birləşmiş Su Təchizatı Xidmətindən bildirilib.

Belə ki, qəzalı hissənin dəyişdirilməsi məqsədilə görüləcək işlər çərçivəsində 19 yanvar 2026-cı il tarixində gün ərzində sözügedən ərazidə içməli suyun verilişi dayandırılacaq.

Qurum abonentlərdən yaranacaq müvəqqəti narahatlığa görə üzr istəyib və göstərilən anlayışa görə təşəkkür edib.