Tailand münaqişə səbəbindən Kambocaya yanacaq tədarükünü dayandırır

Tailand hakimiyyəti sərhəd münaqişəsinin kəskinləşməsi fonunda Kambocaya yanacaq və strateji yük daşınmalarını bloklayır və dəniz və quru nəzarətini gücləndirir.

Operativ Media xəbər verir ki, bu barədə "The Nation" qəzeti məlumat yayıb.

Tailandın Energetika Nazirliyinin sözçüsünün sözlərinə görə, münaqişənin gərginləşməsindən sonra Banqkok bütün neft treyderlərindən Kambocaya enerji ixracını dayandırmalarını istəyib. O əlavə edib ki, Tailand 2025-ci ilin iyul ayından etibarən Kambocaya yanacaq tədarükünü "100%" azaldıb.