ABŞ Sakit Okeanda narkotik qaçaqmalçılığı ilə məşğul olan üç gəmini vurub

ABŞ hərbçiləri Sakit okeanın beynəlxalq sularında narkotik qaçaqmalçılığı ilə məşğul olan üç gəmini məhv ediblər.

Operativ Media xəbər verir ki, Pentaqonun “X” sosial şəbəkəsində dərc etdiyi bəyanata görə, gəmilərdə olan səkkiz nəfər həlak olub.

Hərbi departament bildirib ki, kəşfiyyat məlumatları gəmilərin Şərqi Sakit okeanda narkotik qaçaqmalçılığı üçün məlum marşrutlar üzrə hərəkət etdiyini və narkotik daşıdığını təsdiqləyib. Qeyd olunub ki, əməliyyatlar zamanı ümumilikdə səkkiz kişi narkotik terrorçusu öldürülüb.

CNN-in məlumatına görə, ABŞ ordusu son aylarda narkotik qaçaqmalçılığı ilə mübarizə adı altında Latın Amerikası sahillərində 20-dən çox qayığı məhv edib və nəticədə təxminən 90 nəfər ölüb.