Türkiyədə məktəb avtobusu minik avtomobili ilə toqquşub

Türkiyənin Balıkesir əyalətinin Edremit rayonunda məktəb avtobusu və avtomobilin iştirakı ilə baş verən qəzada dördü şagird olmaqla səkkiz nəfər yaralanıb.

Operativ Media xəbər verir ki, bu barədə "TRT Haber" məlumat yayıb.

Təcili yardım maşını ilə Edremit Dövlət Xəstəxanasına aparılan yaralıların sağlamlıq vəziyyətinin yaxşı olduğu bildirilir.

Qəza səbəbindən Balıkesir-Çanaqqala avtomobil yolu hər iki istiqamətdə bağlanıb.