Kamboca ilə sərhəddəki döyüşlərdə həlak olan Tailand hərbçilərinin sayı 19-a çatıb

Kamboca ilə sərhəddə baş verən silahlı toqquşmalar zamanı həlak olan Tailand hərbçilərinin sayı 17-dən 19-a yüksəlib.

Operativ Media xəbər verir ki, bu barədə Tailand Quru Qoşunlarının İkinci Hərbi Bölgəsi məlumat yayıb.

Tailand qoşunları Surin əyalətində yerləşən qədim Ta Kvay məbəd kompleksi üzərində nəzarəti ələ keçirərək Kamboca qüvvələrini ərazidən çıxarıb.

Kamboca tərəfi toqquşmalar zamanı geri dönməz itkilər barədə məlumat verməyib. Bununla belə, Tailand tərəfinin məlumatına görə, döyüşlərdə 200-dən çox Kamboca hərbçisi həlak olub.