İstanbulda Qırğızıstan Hava Limanları İdarə Heyətinin sədri Manasbek Samidinov və Türk Hava Yolları İdarə Heyətinin sədri Bilal Ekşi arasında işçi görüşü keçirilib.

Operativ Media xəbər verir ki, bu barədə Qırğızıstan KİV məlumat yayıb.

Danışıqlar zamanı Türkiyə dövlətə məxsus "Asman Airlines" aviaşirkəti ilə əməkdaşlıq etmək istəyini ifadə edib.

Müzakirələrə həmçinin Manas Beynəlxalq Hava Limanında texniki dayanacaqlarla uçuşların həyata keçirilməsi imkanı da daxil edilib.