Rusiya ordusu dekabrın 19-da Odessa vilayətinin liman infrastrukturuna ballistik raketlərlə zərbə endirib.

Operativ Media xəbər verir ki, bu barədə Odessa Vilayət Hərbi Administrasiyasının rəhbəri Oleq Kiper məlumat yayıb.

Məlumatda görə, hücum nəticəsində səkkiz nəfər həlak olub, 27 nəfər yaralanıb.

Qeyd edilib ki, axşam saatlarında Odessa rayonunda yerləşən liman infrastruktur obyektinə kütləvi ballistik raket hücumu həyata keçirilib. Zərbə nəticəsində dayanacaqda olan yük avtomobillərində yanğın baş verib.