Tacikistan-Əfqanıstan sərhədində dörd yeni sərhəd məntəqəsi açılıb

Tacikistan Prezidenti Emoməli Rəhmon Müdafiə Nazirliyinə səfəri zamanı Əfqanıstanla sərhəddə dörd sərhəd məntəqəsini uzaqdan istismara verib.

Operativ Media xəbər verir ki, bu barədə Tacikistan Prezidentinin mətbuat xidməti məlumat yayıb.

Əfqanıstanla dövlət sərhədinin yüksək və nahamar hissəsində ilk dəfə sərhəd zastavaları tikilib. Onların rahat işləməsini təmin etmək üçün 70 kilometrdən çox uzunluğunda yeni yol, eləcə də digər dəstəkləyici infrastruktur tikilib.