Yunanıstanda miqrantları daşıyan qayıq batıb

Yunanıstanın Samos adasının sularında qanunsuz miqrantları daşıyan qayıq batıb.

Operativ Media xəbər verir ki, hazırda 1 nəfərin öldüyü təsdiqlənib, 3 nəfər isə itkin düşüb.

Axtarış-xilasetmə tədbirlərinə sahil mühafizə xidmətinin katerləri, helikopterlər, bir şəxsi qayıq və quruda xilasedicilər cəlb olunub.

Miqrantların hansı ölkənin vətəndaşları olduğu açıqlanmır.

Qeyd edək ki, 2015-ci ildən bəri Yunanıstan qanunsuz miqrantların Aİ-yə daxil olduğu əsas giriş ölkəsinə çevrilib.

10 il ərzində 1 milyondan çox qanunsuz miqrantın ölkəyə gəldiyi bildirilir.