Pentaqon "Boeing" şirkəti ilə İsrailə F-15 qırıcı təyyarələrinin tədarükü üçün 8,57 milyard dollarlıq müqavilə imzalayıb.

Operativ Media xəbər verir ki, bu barədə ABŞ Müdafiə Nazirliyinin veb saytında məlumat yerləşdirilib.

Müqavilə İsrail Hərbi Hava Qüvvələri üçün 25 yeni F-15IA qırıcısının hazırlanmasını, inteqrasiyasını, quraşdırılmasını, sınaqdan keçirilməsini, istehsalını və çatdırılmasını əhatə edir.

Müqavilədə təhvil verilən təyyarələrin sayını 25 ədəd artırmaq seçimi də var.

"Boeing" şirkəti müqavilə öhdəliklərini 2035-ci ilin sonuna qədər yerinə yetirməlidir.