Makron 2027-ci il seçkilərində namizəd olmayacağını açıqlayıb
Fransa Prezidenti Emmanuel Makron 2027-ci ildə başa çatan səlahiyyət müddətinin sonuna qədər vəzifəsini icra etmək niyyətində olduğunu açıqlayıb.
Operativ Media xəbər verir ki, Makron bunu həmvətənlərinə Yeni il müraciətində deyib:
"Son saniyəyə qədər çalışacağam, hər gün Fransa vətəndaşları tərəfindən mənə həvalə edilmiş mandatı yerinə yetirməyə çalışacağam".
Fransa prezidenti qarşıdan gələn seçkilərdə namizədliyini irəli sürməyəcəyini bildirib.
"2026-cı ilin sonunda, vaxtı çatanda, 2027-ci il prezidentlik kampaniyası tədricən başlayacaq və bu, son on ildə ilk dəfə mənim iştirak etməyəcəyim seçki kampaniyası olacaq", - deyə dövlət başçısı qeyd edib.
Onun sözlərinə görə, o, prezident seçkilərinin mümkün qədər dinc şəkildə, xüsusən də heç bir xarici müdaxilə olmadan keçirilməsini təmin etmək üçün hər şeyi etmək niyyətindədir.
