ABŞ məhkəməsi Trampın miqrantlarla bağlı qərarını ləğv edib
Şəfa Hüseynli
Kaliforniyadakı federal hakim Tramp administrasiyasının Honduras, Nepal və Nikaraquadan olan təxminən 60.000 immiqrantın "müvəqqəti qorunan statusu"na xitam vermək qərarını ləğv edib.
Operativ Media xəbər verir ki, bu barədə "CBS news" məlumat yayıb.
Tramp administrasiyası da əksər (Müvəqqəti Qorunan Status) TPS proqramlarını ləğv etmək üçün fəal səylər göstərərək, siyasətin qanunsuz immiqrasiyanı asanlaşdırdığını və Demokrat administrasiyaların bundan sui-istifadə edərək onu çox uzun müddətə uzatdığını iddia edib. ABŞ hökuməti həmçinin Əfqanıstan, Kamerun, Efiopiya, Haiti, Myanma, Sudan, Suriya və Venesueladan olan yüz minlərlə immiqrant üçün TPS müdafiəsini ləğv etmək qərarına gəlib.
