ABŞ və Avropa İttifaqı Ukrayna üçün təhlükəsizlik zəmanətləri ilə bağlı planları Parisdə razılaşdırmağa ümid edir.

Operativ Media xəbər verir ki, bu barədə Bloomberg nəşri mənbələrə istinadən məlumat yayıb.

Məlumata görə, hazırlanan razılaşma layihəsi sülh sazişi imzalandıqdan sonra ABŞ hərbi qüvvələrinin Ukraynada mövcudluğunu, eləcə də atəşkəs rejiminə əməl olunmasına nəzarətdə Vaşinqtonun dəstəyini nəzərdə tuta bilər.

Tərəflər Ukraynanın uzunmüddətli təhlükəsizliyinin təmin edilməsi üçün mexanizmlər üzərində müzakirələri davam etdirirlər.

Qeyd edək ki, Stiven Vitkoff və Trampın kürəkəni Jared Kuşner Parisdə “İstəklilər Koalisiyası”nın iclasında iştirak edəcək.