Səudiyyə Ərəbistanının rəhbərlik etdiyi koalisiya STC sədrinin qaçdığını açıqladı

Səudiyyə Ərəbistanının rəhbərlik etdiyi koalisiya Yəməndəki Cənub Keçid Şurasının (STC) sədri Aydarus əl-Zubeydinin naməlum istiqamətdə qaçdığını açıqlayıb.

Operativ Media xəbər verir ki, bu barədə "Reuters" məlumat yayıb.

Koalisiyanın məlumatına görə, əl-Zubeydi Yəmənin cənubunda yaranmış münaqişənin həllini müzakirə etmək məqsədilə keçiriləcək forumda iştirak üçün Ər-Riyada uçmalı idi, lakin planlaşdırılan reysə gəlməyib. Birləşmiş Ərəb Əmirlikləri tərəfindən dəstəklənən separatçı hərəkatın liderinin hazırda harada olduğu məlum deyil.