Yəmənin Cənub Keçid Şurasının sədri dövlətə xəyanətdə ittiham olunub
Operativ Media
Yəmənin Prezident İdarəetmə Şurası Cənub Keçid Şurasının (STC) sədri Aydarus əl-Zubeydinin şuradan uzaqlaşdırılması və onun fəaliyyəti ilə bağlı materialların xəyanət ittihamı əsasında ölkənin Baş prokuroruna göndərilməsi barədə qərar qəbul edib.
Operativ Media xəbər verir ki, bu barədə Prezident Aparatı məlumat yayıb.
Departamentin rəsmi saytında dərc olunmuş mətbuat açıqlamasında bildirilir ki, “Aydarus bin Qasim əl-Zubeydi cənub əyalətlərində mülki əhaliyə qarşı cinayətlər törətmək üçün mövcud vəziyyətdən istifadə edib, Yəmən Respublikasının siyasi və iqtisadi sabitliyinə zərər vurub, Konstitusiyaya və konstitusion səlahiyyətlərə qəsd edib, dövlətin çevriliş və üsyanlara qarşı mübarizə səylərinə mane olub, həmçinin daxili nifaq yaradıb”.
