Dubay–Moskva reysi fövqəladə siqnal verib - YENİLƏNİB

Rusiyanın "Utair" aviaşirkətinin Dubay - Moskva marşrutu üzrə uçan təyyarəsi yerli vaxtla saat 18:37-də uğurla eniş edib.

Operativ Media xəbər verir ki, bu barədə aviaşirkət öz teleqram kanalında bildirib.

"Sərnişinlərin və heyət üzvlərinin vəziyyəti yaxşıdır", - məlumatda qeyd olunub.

18:19

“Utair” aviaşirkətinə məxsus Dubaydan Moskvaya uçan təyyarə uçuş zamanı fövqəladə vəziyyət siqnalı (“7700”) verib.

Operativ Media xəbər verir ki, Boeing 767-224 tipli təyyarə təxminən bir saat əvvəl Əl-Məktum hava limanından havaya qalxıb və saat 21:15-də Moskvanın Vnukovo hava limanına enməli idi.

İlkin məlumatlara əsasən, qeyri-standart vəziyyət qalxışdan dərhal sonra yaranıb.

Hazırda təyyarə yanacağı boşaltmaq üçün şəhər üzərində dövrələr edir və indiyədək 10-dan çox dövrə vurub.

Göyərtədə 200-dən çox sərnişinin olduğu bildirilir.

Hadisə ilə bağlı əlavə məlumat gözlənilir.