Tramp: ABŞ artıq ələ keçirilən "Mariner" tankerindən neft boşaldır

ABŞ Prezidenti Donald Tramp bəyan edib ki, ABŞ Rusiya bayrağı altında üzən və ələ keçirilmiş Mariner tankerindən neftin boşaldılmasına başlayıb.

Operativ Media xəbər verir ki, Tramp bunu yanvarın 8-də "Fox News" telekanalına verdiyi müsahibədə bildirib: “Biz bir gəmini ələ keçirdik və hazırda ondan neft boşaldılır.”

O, tankerin ələ keçirilməsindən sonra Rusiya Prezidenti Vladimir Putinlə telefon danışığı aparıb-aparmadığı ilə bağlı suala cavab verməkdən imtina edib. Bu mövzuda sualı cavablandırarkən Tramp deyib: “Mən bu barədə danışmaq istəmirəm.”

Jurnalist tankerin ələ keçirilməsi qərarının çətin olub-olmadığını soruşduqda isə ABŞ Prezidenti belə cavab verib: “Mən bunun çətin bir qərar olduğunu düşünmürdüm.”