Rusiya Ukrayna limanları yaxınlığında iki mülki gəmiyə hücum edib

Rusiya Ukrayna dəniz dəhlizində mülki gəmilərə hücum edib, nəticədə bir nəfər ölüb, bir neçə nəfər yaralanıb.

Operativ Media xəbər verir ki, bu barədə Ukrayna Baş nazirinin müavini Aleksiy Kuleba məlumat verib.

Onun sözlərinə görə, Rusiya dronu Sent-Kits və Nevis bayrağı altında üzən gəmiyə zərbə endirib.

Gəmi Çernomorsk limanına taxıl yükləmək üçün hərəkət edirmiş. Hücum nəticəsində gəminin ekipaj üzvü, Suriya vətəndaşı həyatını itirib.

Bundan əlavə, Odessa limanı yaxınlığında Komor adaları bayrağı altında olan, digər mülki gəmi də zərbə alıb.

İlkin məlumatlara görə, bəzi şəxslər yaralanıb, hadisə yerinə xilasetmə qüvvələri göndərilib.