İlon Mask Böyük Britaniyanı “həbsxana adası” adlandırıb

Milyarder iş adamı İlon Mask Böyük Britaniyanı “həbsxana adası” adlandıraraq ölkədə sosial şəbəkələrdəki paylaşımlara görə aparılan həbslərlə bağlı statistika paylaşıb.

Operativ Media xəbər verir ki, o bu barədə "X" hesabında paylaşım edib.

Onun təqdim etdiyi məlumatlara əsasən, Böyük Britaniyada bir il ərzində sosial şəbəkələrdə yazılan şərhlər və paylaşımlar səbəbilə 12 min 183-dən çox şəxs saxlanılıb.

Statistikaya görə, bu həbslərin böyük hissəsi miqrantlarla bağlı tənqid və təhqir xarakterli paylaşımlarla əlaqəlidir.

Qeyd olunur ki, ölkədə gündə orta hesabla 30-a yaxın şəxs bu cür post və şərhlərə görə həbs edilir ki, bu da ildə təxminən 12 min həbslə nəticələnir.