İranda artıq üçüncü həftədir davam edən etirazlar zamanı ölənlərin sayı 572 nəfərə çatıb.

Operativ Media xəbər verir ki, bu barədə İranda fəaliyyət göstərən HRANA hüquq müdafiə təşkilatı məlumat yayıb.

Qeyd edilib ki, ölənlərin dəqiq sayı daha yüksək ola bilər.

Ölənlərin 503 nəfəri nümayişçi, 69 nəfəri isə təhlükəsizlik qüvvələrinin nümayəndələridir.

Həmçinin etirazların başlanandan bəri 10 600-dən çox insanın saxlanıldığı bildirilib.