Qara dənizdə Xəzər Boru Kəməri Konsorsiumu (CPC) terminalı yaxınlığında iki tanker pilotsuz təyyarələrin hücumuna məruz qalıb.

Operativ Media xəbər verir ki, bu barədə Qazaxıstanın Energetika Nazirliyi məlumat yayıb.

Nazirliyin məlumatına görə, hücuma məruz qalan tankerlər "Liberiya" və "Malta" bayraqları altında üzürdü və Qazaxıstandan neft daşımalı idilər.

Hadisənin nəticələri və tankerlərə dəymiş zərər barədə hələ ətraflı məlumat verilməyib.

Energetika Nazirliyi vəziyyətlə bağlı araşdırmaların davam etdiyini və təhlükəsizlik tədbirlərinin gücləndirildiyini bildirib.