2026-cı ildə 186 milyon insan işsiz qalacaq

2026-cı ilin yekunlarına əsasən dünyada orta işsizlik səviyyəsi 4,9% təşkil edəcək.

Operativ Media xəbər verir ki, bu barədə Beynəlxalq Əmək Təşkilatı (BƏT) açıqlama yayıb.

BƏT-in hesabatında qeyd olunur ki, varlı ölkələrdə iş yerlərinin sayı 0,5% artacaq, kasıb ölkələrdə isə bu göstərici 3,1% təşkil edəcək.

BMT mütəxəssislərinin hesablamalarına görə, bu göstərici 2025-ci ilin səviyyəsində qalacaq və ilin sonuna qədər təxminən 186 milyon insan işsiz kimi qeydə alınacaq.

Avropada işsizlik səviyyəsi 5,5% olaraq qalacaq, ABŞ və Kanadada isə orta müddətli perspektivdə artım müşahidə olunacaq.

Bununla belə, BƏT vurğulayır ki, işin olması hər zaman layiqli gəlir demək deyil: dünya üzrə təxminən 300 milyon insan gündə 3 dollardan az qazanaraq ifrat yoxsulluq şəraitində yaşayır.

Afrika və Latın Amerikasının bir çox ölkəsində isə əhalinin yarıdan çoxu iqtisadiyyatın kölgə sektorunda çalışır.