Liviya nümayəndə heyətini daşıyan təyyarənin qəzaya uğramasının səbəbi araşdırılır

Türkiyədə qəzaya uğramış Liviya hərbi nümayəndə heyətini daşıyan təyyarə ilə bağlı istintaqın bir hissəsi olan qara qutu təhlil üçün Londona göndərilib, qəza anının görüntüləri isə TÜBİTAK (Türkiyə Elmi və Texnoloji Tədqiqat Şurası) tərəfindən araşdırılır.

Operativ Media xəbər verir ki, bu barədə "TRT Haber" məlumat yayıb.

Bildirilib ki, qara qutunun məlumatları Londonda deşifrə olunacaq.

Baş prokurorun bir müavini tərəfindən əlaqələndirilən və dörd prokuror tərəfindən aparılan istintaqda qəza ilə bağlı gizlilik pərdəsini qaldırmaq üçün bütün texniki və kəşfiyyat resursları səfərbər olunub.