Türk Hava Yollarına məxsus təyyarə bomba təhlükəsi səbəbindən Barselonada təcili eniş edib

Türk Hava Yollarına məxsus təyyarə bortda bomba olması xəbəri səbəbindən Barselona - El Prat hava limanına təcili eniş edib.

Operativ Media xəbər verir ki, bu barədə ''El Periodico" məlumat yayıb.

Təyyarənin göyərtəsində 148 sərnişin və 7 ekipaj üzvü olub.

"Təyyarənin göyərtəsindəki təhlükə səbəbindən təhlükəsizlik protokolları işə salınıb və təhlükəsizlik xidmətləri vəziyyəti qiymətləndirilir". - nəşr qeyd edib.

Bildirilir ki, təyyarənin İstanbuldan Kataloniyaya uçduğu ehtimal olunur.