ABŞ 11 İran vətəndaşına sanksiya tətbiq edib

ABŞ Maliyyə Nazirliyi Ali Milli Təhlükəsizlik Şurasının katibi Əli Laricani də daxil olmaqla 11 İran vətəndaşına və İran, BƏƏ və Sinqapurda qeydiyyatdan keçmiş 13 şirkətə qarşı sanksiyalar elan edib.

Operativ Media bu barədə ABŞ Maliyyələ Nazirliyinə istinadən xəbər verir.

Laricani ilə yanaşı, sanksiya siyahısına ABŞ-nin etirazları qəddarcasına yatırmaqda ittiham etdiyi İslam İnqilabı Keşikçiləri Korpusunun (İİKK) üzvləri və polis zabitləri də daxildir.

Maliyyə Nazirliyinin dərc etdiyi sənəddə vurğulanır ki, sanksiyalar həmçinin fəaliyyəti "kölgə bankçılığı" ilə əlaqəli olan hüquqi şəxslərə qarşı yönəlib.