Bişkekdə "fast food"dan 17 nəfər zəhərlənib

Qırğızıstanda "Daamduu" fast food restoranında şaurmadan dördü uşaq olmaqla on yeddi nəfər zəhərlənib.

Operativ Media xəbər verir ki, bu barədə Qırğızıstan mediası məlumat yayıb.

Bildirilib ki, 17 nəfər xəstəxanaya yerləşdirilib. Zəhərlənənlər arasında stasionar və ambulator müalicə alanlar var.

Bütün xəstələrə lazımi tibbi yardım göstərilib və laboratoriya müayinələri üçün klinik nümunələr götürülüb.