Reuters: TikTok Aİ-də istifadəçi yaşının yoxlanılması proqramını işə salacaq

TikTok Avropa tənzimləyicilərinin artan təzyiqi fonunda bir illik pilot layihənin nəticələrinə əsasən, tezliklə Avropa Birliyindəki istifadəçilər üçün yeni yaş təsdiqləmə texnologiyalarını tətbiq etməyə başlayacaq.

Operativ Media xəbər verir ki, bu barədə "Reuters" məlumat yayıb.

Bildirilib ki, əvvəllər açıqlanmayan sistem Çinin "ByteDance" şirkətinə məxsus platformaya profil məlumatlarını, videoları və davranış siqnallarını təhlil etməyə imkan verəcək. Toplanan məlumatlar hesabın yetkinlik yaşına çatmayan istifadəçiyə məxsus olub-olmadığını müəyyən etməyə kömək edəcək. Bu şəkildə müəyyən edilmiş hesablar avtomatik olaraq bloklanmayacaq, onlar ixtisaslaşmış moderatorlar tərəfindən nəzərdən keçiriləcək.