Taliban Əfqanıstanın paytaxtı Kabildə baş verən partlayış nəticəsində bir neçə nəfərin öldüyünü bildirib

Əfqanıstanın paytaxtı Kabilin Şəhr-e-Naw bölgəsində baş verən partlayış nəticəsində bir neçə nəfər həlak olub.

Operativ Media xəbər verir ki, bu barədə "Al- Arabiya" məlumat yayıb.

Daxili İşlər Nazirliyinin sözçüsü Əbdül Mətin Qani "Reuters" agentliyinə bildirib ki, "İlkin məlumatlara görə, bir neçə nəfər ölüb və yaralanıb".

O, əlavə edib ki, təfərrüatlar daha sonra açıqlanacaq.

Şəhr-e-Naw ərazisi əcnəbilərin məskunlaşdığı yerdir və Kabilin ən təhlükəsiz ərazilərindən biri hesab olunur.