Qırğızıstan Müdafiə Nazirliyi 80-dən çox hərbi texnika alıb
Qırğızıstan Nazirlər Kabinetinin sədri və Prezident Administrasiyasının rəhbəri Adilbek Kasımalıyev ölkənin Müdafiə Nazirliyinə 81 yeni nəqliyyat vasitəsinin açarlarının təqdim edilməsi mərasimində iştirak edib.
Operativ Media xəbər verir ki, bu barədə ölkənin Müdafiə Nazirliyi məlumat yayıb.
Kasımalıyev son illərdə ölkənin müdafiə qabiliyyətinin əhəmiyyətli dərəcədə gücləndirildiyini vurğulayıb. Qırğızıstan Respublikası Silahlı Qüvvələrinin büdcəsi 2018-2019-cu illərlə müqayisədə 300%-dən çox artıb.
Bu vəsaitlər əsasən ordunun maddi-texniki bazasının gücləndirilməsinə, ordunun müasir silah və avadanlıqlarla təchiz edilməsinə, hərbi hissələrin, hərbi düşərgələrin və qarnizonların infrastrukturunun inkişaf etdirilməsinə yönəldilib.
Hava hücumundan müdafiə sistemləri və elektron müharibə sistemləri də daxil olmaqla, müasir silahlar, hərbi və xüsusi təyinatlı avadanlıqlar alınıb.
