ABŞ Müdafiə Nazirliyi (Pentaqon) NATO-nun güc strukturu elementlərində və məsləhət qruplarında şəxsi heyətin sayını azaltmaq planlarını açıqlayıb.

Operativ Media xəbər verir ki, bu barədə “Washington Post” qəzeti məlumat yayıb.

Bildirilib ki, NATO qüvvələrinin təlimini hədəfləyən "Mükəmməllik Mərkəzləri" də daxil olmaqla, alyansın daxilində təxminən 30 bölmədə ABŞ Hərbi qulluqçuların sayı azaldılacaq.

Növbəti bir neçə ili əhatə edəcək və təxminən 200 nəfəri əhatə edəcək plana əsasən, NATO sərhədlərində xidmət müddəti bitməkdə olanların yerinə yeni heyət təyin edilməyəcək.

Enerji Təhlükəsizlik, dəniz müharibəsi və kəşfiyyat da daxil olmaqla xüsusi əməliyyat bölmələrində şəxsi heyətin iştirakı ya azaldılacaq, ya da ittifaq daxilindəki digər bölmələrə köçürüləcək.