Qırğızıstan və Serbiya siyasi məsləhətləşmələr aparmaq barədə razılığa gəliblər

Qırğızıstan xarici işlər nazirinin müavini Meder Abakirov və Serbiya Xarici İşlər Nazirliyinin dövlət katibi Damjan Yoviç videokonfrans vasitəsilə danışıblar.

Operativ Media xəbər verir ki, Qırğızıstan Xarici İşlər Nazirliyi məlumat yayıb.

Bildirilib ki, tərəflər siyasi, iqtisadi, mədəni və humanitar sahələrdə əməkdaşlığın dərinləşdirilməsində qarşılıqlı maraqlarını təsdiqləyiblər.

Onlar prioritet məsələlər üzrə əməkdaşlıq perspektivlərini araşdırmaq üçün ikitərəfli siyasi məsləhətləşmələr keçirmək barədə razılığa gəldilər.