Naməlum şəxslər Niderlandın Dusburq şəhərindəki Böyük kilsənin binasında yerləşən gümüş muzeyini qarət ediblər.

Operativ Media xəbər verir ki, bu barədə "Omroep Gelderland" məlumat yayıb.

Qeyd olunub ki, muzeydən 300-dən çox gümüş əşya oğurlanıb, zərərin məbləği onminlərlə avro dəyərində qiymətləndirilir.

Məlumata görə, qarət yanvarın 21-nə keçən gecə baş verib.

Muzey rəhbərliyinin məlumatına görə, bütün gümüş eksponatlar oğurlanıb, oğrular 14 vitrini sındırıb və içindəkiləri aparıblar.