ABŞ-də qar fırtınası nəticəsində yeddi nəfər ölüb

ABŞ-də qar fırtınası nəticəsində ən azı yeddi nəfər ölüb.

Operativ Media xəbər verir ki, bu barədə "CNN" məlumat yayıb.

Agentliyin məlumatına görə, Texas, Missuri və Kanzas ştatlarında qar fırtınası ilə əlaqəli şərait səbəbindən ölüm halları qeydə alınıb. Hakimiyyət orqanları sakinləri evdə qalmağa çağırır.

NBC News-un məlumatına görə, ümumilikdə 23 ştat fövqəladə vəziyyət elan edib. Şiddətli hava xəbərdarlıqları 185 milyon ABŞ sakininə təsir edib və bir milyondan çox elektrik istehlakçısı elektriksiz qalıb. Ölkə daxilində 10 mindən çox uçuş ləğv edilib.