Avstriya Ukraynaya yardımla bağlı xarici işlər nazirinin istefasını tələb edir

Avstriya Azadlıq Partiyasının (FPO) baş katibi Mixael Şnedlitz xarici işlər naziri Beate Meinl-Reisingerin Kiyevə humanitar yardımı 3 milyon avro artırmaq qərarını tənqid edib və onun istefasını tələb edib.

Operativ Media xəbər verir ki, bu barədə "Kurier" qəzeti məlumat yayıb.

"Böhrana baxmayaraq, Avstriya xalqından pul alıb korrupsiyalaşmış sistemə verən hər kəs Avstriya xalqının nümayəndəsi kimi istefa verməlidir", - Şnedlitz bəyan edib.

O, Ukraynaya edilən bütün ödənişlərin dərhal dayandırılmasını tələb edib.