Nigeriyanın sahillərində yeni neft yatağı kəşf edilib

Nigeriya Milli Neft Şirkəti (NNPC) Atlantik şelfində, Niger çayının mənsəbinin yaxınlığında böyük bir neft yatağının kəşf edildiyini elan edib.

Operativ Media xəbər verir ki, bu barədə şirkət özü məlumat yayıb.

Bildirilib ki, qazma işləri suyun dərinliyinin 12 metrə çatdığı Qvineya körfəzində aparılıb. Quyu 3700 metr dərinliyə qədər qazılıb. Ümumi qalınlığı təxminən 205 metr olan bir neçə neftli lay aşkar edilib.

Şirkət mütəxəssislərinin tezliklə bu yataqda təxmini neft ehtiyatlarını təqdim etmələri gözlənilir.