İndoneziyada baş verən torpaq sürüşməsi nəticəsində ölənlərin sayı 38-ə çatıb

İndoneziyanın Qərbi Yava əyalətində baş verən torpaq sürüşməsi nəticəsində ölənlərin sayı 38-ə çatıb.

Operativ Media xəbər verir ki, bu barədə "Antara" informasiya agentliyi məlumat yayıb.

Bildirilib ki, tapılan cəsədlərdən 18-nin şəxsiyyəti hələ də məlum deyil. İtkin düşənlərin axtarışı davam edir. Axtarış-xilasetmə əməliyyatında təxminən 800 təcili yardım xidmətinin əməkdaşı iştirak edir.

Axtarış-xilasetmə işləri ilə yanaşı, fəlakətlərin nəticələrinin aradan qaldırılması agentliyi məcburi köçkünlərin rifahına da üstünlük verir: Pasir Langu kəndində təxliyə edilən insanların sayı 685-ə çatıb.