Rusiya Xarkovda sərnişin qatarına hücum edib

Rusiya ordusu dronlarla Xarkov bölgəsində sərnişin qatarına hücum edib, nəticədə lokomotivdə və vaqonda yanğın olub, xəsarət alanlar var.

Operativ Media xəbər verir ki, bu barədə Xarkov vilayəti Dövlət Administrasiyasının rəhbəri Oleq Sinegubov məlumat verib.

Onun sözlərinə görə, Rusiyanın "Şahed" dronları Barvenkovo-Lvov-Çop marşrutu üzrə sərnişin qatarına hücum edib. 

Qatarda 291 sərnişin olub və hamısı tez bir zamanda təxliyə edilib, iki nəfər isə yaralanıb.